وفاقی بجٹ سے پہلے نئے ٹیکسز کی تیاری،مہنگائی میں اضافہ متوقع

اسلام آباد ( پاک ترک نیوز) وفاقی بجٹ سے قبل عوام پر نئے ٹیکسوں کی تیاری، مہنگائی کے خدشات بڑھ گئے،پٹرول مہنگا، کرپٹو ٹیکس نیٹ میں، تاجروں کیلئے نئی اسکیم متوقع ہے ،پٹرولیم مصنوعات پر کلائمٹ سپورٹ لیوی دگنی کیے جانے کا امکان ہے ،پٹرول اور ڈیزل پر کلائمٹ سپورٹ لیوی 2.5 سے بڑھا کر 5 روپے فی لیٹر کرنے کی تجویز دی گئی ۔
نئے مالی سال میں کلائمٹ سپورٹ لیوی سے 90 ارب روپے سے زائد وصولی کا ہدف مقرر کیا گیا ،عوام پر 220 ارب روپے کے نئے ٹیکس عائد کیے جانے کی تجاویز ہیں ،آئی ایم ایف نے جی ایس ٹی 18 سے بڑھا کر 19 فیصد کرنے پر زور دیا ،بجٹ میں تاجروں کیلئے فکسڈ ٹیکس اسکیم متعارف کرانے کی تجویز ہے ۔
بیس کروڑ روپے سالانہ سیل پر 25 ہزار روپے فکس ٹیکس عائد کرنے کی تجویز دی گئی ،فکسڈ ٹیکس اسکیم اختیار کرنے والے تاجروں کو آڈٹ سے استثنیٰ ملنے کا امکان ہے ۔
فارمولا دودھ، گھی، کوکنگ آئل اور چائے سمیت درجنوں اشیا تیسرے شیڈول میں شامل کرنے کی تجویز ہے۔اشیائے خورونوش پر پرچون قیمت پرنٹ کرنا لازمی قرار دیے جانے کا امکان ہے ،چینی، خشک دودھ اور کیچپ سمیت متعدد اشیا پر سخت ٹیکس نگرانی کیجائے گی۔نئے بجٹ میں روزمرہ استعمال کی متعدد اشیا مزید مہنگی ہونے کا امکان ہے۔الیکٹرک گاڑیوں کی سی کے ڈی کٹس پر سیلز ٹیکس چھوٹ ختم ہونے کا امکان ہے ،ہائبرڈ گاڑیوں پر رعایتی سیلز ٹیکس کی مدت 30 جون کو ختم ہو جائے گی۔