جنگ بندی میں توسیع خوش آئند ہے ،محسن نقوی کی امریکی سفیر سے ملاقات

اسلام آباد ( پاک ترک نیوز) وفاقی وزیرداخلہ محسن نقوی سے امریکی سفیر نیٹلی بیکر کی ملاقات ہوئی ہے جس میں خطے کی تازہ ترین صورتحال پر تفصیلی تبادلہ خیال کیا گیا۔
اسلام مذاکرات کے دوسرے راؤنڈ کے انعقاد کے حوالے سے سفارتی کاوشوں پر بھی بات چیت ہوئی ،وزیر داخلہ محسن نقوی نے تنازعہ کے دیرپا حل کے سفارتی چینلز کے تسلسل کی ضرورت پر زور دیتے ہوئے کہا صدر ڈونلڈ ٹرمپ کی جانب سے جنگ بندی میں توسیع خوش آئند ہے،یہ قدم کشیدگی میں کمی کی جانب اہم پیش رفت ہے،ایران کی جانب سے بھی مثبت پیش رفت کی امید ہے۔
وزیراعظم شہباز شریف اور فیلڈ مارشل جنرل عاصم منیر مسلے کے حل کیلئے ہر سطح پر بھرپور کوششیں کر رہے ہیں۔امید ہے کہ فریقین سفارتی اور پر امن حل کو موقع دیں گے،نیٹلی بیکر نے خطے میں قیام امن اور تنازعہ کے حل کیلئے پاکستان کے تعمیری کردار کو سراہا۔