لاہور( پاک ترک نیوز) وفاقی وزیر ریلوے محمد حنیف عباسی نے اعلان کیا ہے کہ پاکستان ریلوے کی مشہور بابو پسنجر ٹرین 6 سال بعد 20 اگست سے دوبارہ بحال کردی جائے گی۔
وفاقی وزیر کے مطابق مسافروں کے مسلسل مطالبے اور عوامی ضروریات کو مدنظر رکھتے ہوئے ٹرین سروس بحال کرنے کا فیصلہ کیا گیا ہے۔
بابو پسنجر ٹرین لاہور سے لالہ موسیٰ کے درمیان چلتی ہے اور راستے میں بادامی باغ، شاہدرہ باغ، کالا شاہ کاکو، مریدکے، سادھوکی، کامونکی، گوجرانوالہ، وزیرآباد، گجرات اور لالہ موسیٰ سمیت مختلف اسٹیشنوں پر رکتی ہے۔
یہ ٹرین کورونا وبا کے دوران معطل کی گئی تھی اور گزشتہ 6 برس سے سروس بحال نہیں ہوسکی تھی۔
محمد حنیف عباسی نے کہا کہ وزیراعظم شہباز شریف کے وژن کے مطابق پاکستان ریلوے کو مزید فعال بنایا جارہا ہے، مسافروں کو سہولیات کی فراہمی میں اضافہ کیا جائے گا اور ریلوے سروسز کو بہتر بنانے کے لیے اقدامات جاری ہیں۔
یہ بھی پڑھیں: متحدہ عرب امارات میں پہلی مسافر ٹرین سروس شروع
وفاقی وزیر نے مزید کہا کہ رواں سال پاکستان ریلوے کی مزید معطل شدہ ٹرینیں بھی بحال کی جائیں گی۔
