اسلام آباد ( پاک ترک نیوز) نائب وزیراعظم و وزیر خارجہ اسحاق ڈار نے یومِ آزادی کے موقع پر پاکستانی عوام اور بیرونِ ملک مقیم ہم وطنوں کو مبارکباد پیش کی ہے۔
اپنے ویڈیو پیغام میں اسحاق ڈار نے کہا کہ پاکستان ہمیشہ اقوامِ عالم کے درمیان امن، مذاکرات، تعاون اور باہمی احترام کا علمبردار رہا ہے۔
نائب وزیراعظم نے کہا کہ پاکستان، سعودی عرب اور ترکیہ نے تاریخی مکہ معاہدے پر دستخط کیے ہیں، جو پاکستان کی سفارتی کامیابی اور برادر ممالک کے ساتھ مضبوط تعلقات کی عکاسی کرتا ہے۔
اسحاق ڈار نے کہا کہ پاکستان عالمی اور علاقائی امن و استحکام کے لیے اپنا مثبت کردار جاری رکھے گا اور دوست ممالک کے ساتھ تعلقات کو مزید مضبوط بنایا جائے گا۔
یہ بھی پڑھیں: اعلیٰ عدلیہ کے ججز کی تنخواہوں اور مراعات میں بڑا اضافہ
نائب وزیراعظم نے واضح کیا کہ پاکستان کشمیری عوام کی جدوجہد کی اصولی، اخلاقی، سیاسی اور سفارتی حمایت جاری رکھے گا۔
اسحاق ڈار نے یومِ آزادی کے موقع پر اس عزم کا اظہار کیا کہ پاکستان کی ترقی، خوشحالی، امن اور استحکام کے لیے قومی اتحاد اور یکجہتی کو مزید فروغ دیا جائے گا۔
