لاڑکانہ ( پاک ترک نیوز) لاڑکانہ، قمبر اور شہدادکوٹ کے عوام کے لیے پیپلز بس سروس کا نیا روٹ شروع کردیا گیا ہے۔سینئر وزیر شرجیل انعام میمن کی ہدایات پر نئے روٹ کا باقاعدہ آغاز کیا گیا، جس سے تینوں شہروں کے شہریوں کو جدید اور بہتر سفری سہولت میسر آئے گی۔شرجیل انعام میمن نے کہا کہ پیپلز بس سروس کا دائرہ کار سندھ کے مختلف شہروں تک وسیع کیا جا رہا ہے، نئے روٹ سے لاڑکانہ، قمبر اور شہدادکوٹ کے شہریوں کو سفری سہولت حاصل ہوگی۔ان کا کہنا تھا کہ سندھ حکومت کا عزم ہے کہ صوبے کے ہر علاقے کے شہریوں کو جدید عوامی سفری سہولیات فراہم کی جائیں۔
یہ بھی پڑھیں: لاڑکانہ، قمبر اور شہدادکوٹ کے عوام کے لیے پیپلز بس سروس کا نیا روٹ شروع
شرجیل انعام میمن نے کہا کہ عوام کو بہترین اور سستی سفری سہولیات کی فراہمی سندھ حکومت کی ترجیحات میں شامل ہے، جبکہ مختلف اضلاع میں پیپلز بس سروس کے مزید روٹس بھی شروع کیے جا رہے ہیں۔
