اسلام آباد ( پاک ترک نیوز) اسلام آباد میں گروپ کیپٹن شہید عاصم طارق کے قتل کے مقدمے میں ملزم کا سات روزہ جسمانی ریمانڈ دے دیا گیا، انسداد دہشت گردی عدالت کے جج ابوالحسنات محمد ذوالقرنین نے کیس پر سماعت کی۔
جج ابو الحسنات محمد ذوالقرنین نے ملزم کو کہا تم نے ملک کا کتنا بڑا نقصان کیا ہے،ایک گھر تباہ کیا ہے۔ تمہیں اندازہ ہی نہیں ہے ملک کا کتنا بڑا اثاثہ تباہ کیا ہے۔ اب رونے کا کیا فائدہ ہے؟
یہ بھی پڑھیں: مشرق وسطیٰ جنگ کی آگ کی لپیٹ میں آ گیا
پراسیکیوٹر راجہ نوید حسین نے کہا چشم دید گواہان کامران اور وسیم نے ملزم کو شناخت کیا، ملزم کی شناخت پریڈ کا عمل اڈیالہ جیل میں مکمل کیا گیا۔
