لاہور( پاک ترک نیوز) وزیر داخلہ محسن نقوی کی بطور چیئرمین پی سی بی تقرری لاہور ہائیکورٹ میں چیلنج کر دی گئی ،مفاد عامہ کی درخواست اشبا کامران نے دائر کی ،درخواست میں وزیراعظم، چیئرمین سینیٹ سمیت دیگر کو فریق بنایا گیا ۔
درخواست گزار نے موقف اختیار کیا سینیٹر محسن نقوی کو آئین کے مطابق وزیر داخلہ بنایا گیا، سینیٹر کابینہ کے علاوہ کوئی دوسرا انتظامی عہدہ نہیں لے سکتا۔
یہ بھی پڑھیں: اب ای پاسپورٹ جاری ہوں گے،گھر کی دہلیز پر ملیں گے
درخواست گزر کے مطابق چیئرمین سینیٹ نے بھی محسن نقوی کے پی سی بی سربراہ بننے پر کارروائی نہیں کی۔وزیراعظم نے محسن نقوی کی چیئرمین پی سی بی کا غیر قانونی نوٹیفکیشن جاری کیا ۔عدالت چیئرمین پی سی بی کی تقرری کالعدم قرار دے ۔
