اسلام آباد( پاک ترک نیوز ) وفاقی وزیر داخلہ محسن نقوی سے ایرانی وزیر خارجہ عباس عراقچی نے ملاقات کی، جس میں دوطرفہ تعاون بڑھانے، پاک ایران تعلقات کے فروغ اور خطے کی تازہ ترین صورتحال پر تبادلہ خیال کیا گیا۔ملاقات میں علاقائی امن و استحکام کے لیے مشترکہ اقدامات پر بھی گفتگو ہوئی۔ ایرانی وزیر خارجہ عباس عراقچی نے خطے میں کشیدگی کم کرنے کے لیے پاکستان کے مثبت کردار کو سراہا۔
یہ بھی پڑھیں: پاکستان اور سری لنکا کے درمیان دوسرا ٹیسٹ آج سے شروع ہوگا
اس موقع پر محسن نقوی کا کہنا تھا کہ پاکستان تنازع کے حل کے لیے سفارتی محاذ پر مخلصانہ کوششیں جاری رکھے گا۔عباس عراقچی نے کہا کہ ایران پاکستان کے ساتھ اپنے تعلقات کو خصوصی اہمیت دیتا ہے۔ملاقات کے بعد وفاقی وزیر داخلہ محسن نقوی نے ایئرپورٹ پر ایرانی وزیر خارجہ کو الوداع کیا۔ اس موقع پر ایرانی سفیر رضا امیری مقدم اور دیگر متعلقہ حکام بھی موجود تھے۔












