اسلام آباد ( پاک ترک نیوز) نائب وزیراعظم اسحاق ڈار کی زیر صدارت ملک میں چینی کی دستیابی اور قیمتوں سے متعلق اعلیٰ سطح کا اجلاس ہوا جس میں چینی کے ذخائر، پیداوار اور قیمتوں کی صورتحال کا تفصیلی جائزہ لیا گیا ۔
ترجمان دفتر خارجہ نے کہا کمیٹی نے ملک میں چینی کی دستیابی اور سپلائی کی مجموعی صورتحال پر اطمینان کا اظہار کیا، نائب وزیر اعظم نے کہا عوام کو مناسب قیمت پر چینی کی بلا تعطل فراہمی یقینی بنائی جائے گی۔
یہ بھی پڑھیں: اسحاق ڈار کی زیر صدارت پورٹ کوآرڈی نیشن کو بہتر بنانے کیلئے اجلاس
نائب وزیراعطم اسحاق ڈار نے کہا ذخیرہ اندوزی، سٹے بازی اور مصنوعی مہنگائی کے خلاف زیرو ٹالرنس پالیسی اپنائی جائے گی،چینی کی قیمتوں میں استحکام برقرار رکھنا حکومت کی اولین ترجیح ہے، اجلاس میں وفاقی وزیر رانا تنویر حسین، طارق باجوہ، ایف بی آر اور وفاقی و صوبائی حکام نے شرکت کی۔
