لارڈز ٹیسٹ دلچسپ مرحلے میں داخل، بھارت کو جیت کیلئے 135 رنز، انگلینڈ کو 6 وکٹیں درکار

لندن(پاک ترک نیوز) بھارت اور انگلینڈ کے درمیان تیسرا لارڈز میں کھیلا جانے والا ٹیسٹ میچ دلچسپ مرحلے میں داخل ہوگیا۔
تفصیلات کے مطابق میزبان انگلینڈ اور بھارت کے درمیان 5 میچز کی سیریز کا تیسرا ٹیسٹ میچ کے 4 دن کا کھیل ختم ہوگیا اور اب آج آخری دن میچ کا فیصلہ ہوگا، بھارت نے چوتھے روز کے اختتام پر انگلینڈ کے 193 رنز کے ہدف کے تعاقب میں 4 وکٹ پر 58 رنز بنالیے ہیں۔
انڈیا کو میچ میں کامیابی کے لئے مزید 135 رنز کی ضرورت ہے تو انگلینڈ کو جیت کیلئے 6 وکٹیں درکار ہیں، بھارت کی جانب سے کے ایل راہول 33 رنزکے ساتھ ناٹ آؤٹ ہیں۔
یاد رہے کہ لارڈز ٹیسٹ کی پہلی اننگز میں انگلینڈ نے 387 رنز بنائے تھے جس کے جواب میں مہمان بھارتی ٹیم بھی 387 رنز پر آؤٹ ہوئی تھی اور پہلی اننگز میں کوئی برتری حاصل نہیں کرسکی تھی۔
میچ کے چوتھے روز انگلینڈ کی ٹیم دوسری اننگز میں 192رنز پر آؤٹ ہوگئی تھی اور یوں بھارت کو میچ جیتنے کیلئے 193 رنز کا ہدف ملا تھا، میزبان انگلینڈ اور بھارت کے درمیان 5 میچز کی سیریز کا یہ تیسرا ٹیسٹ ہے، سیریز 1-1 سے برابر ہے۔