لندن (پاک ترک نیوز )لندن میں صدر مملکت آصف علی زرداری سے وفاقی وزیر داخلہ محسن نقوی نے اہم ملاقات کی، جس میں ملک کی موجودہ سیاسی صورتحال اور اہم قومی معاملات پر تبادلہ خیال کیا گیا۔ذرائع کے مطابق صدر زرداری اور محسن نقوی کے درمیان ون آن ون ملاقات تقریباً ایک گھنٹے تک جاری رہی، جس کے دوران وزیر داخلہ نے صدر مملکت کو اہم پیغام بھی پہنچایا۔ذرائع کا کہنا ہے کہ صدر آصف علی زرداری نے مختلف قومی معاملات، بالخصوص نئے صوبوں کے قیام سے متعلق جاری بحث پر اپنے مؤقف پر قائم رہنے کا پیغام دیا۔
یہ بھی پڑھیں: ایران کی جوابی کارروائی ،اردن میں امریکی فوجیوں کی ہلاکت کا دعویٰ
صدر مملکت نے واضح کیا کہ قومی مفاد میں تمام فریقوں کو مل کر آگے بڑھنا ہوگا اور ملکی مسائل کے حل کے لیے باہمی مشاورت اور اتفاقِ رائے ضروری ہے۔
