لاہور( پاک ترک نیوز)پاکستان کیخلاف ٹی ٹونٹی ورلڈ کپ کے اہم میچ سے قبل بھارت کو بڑا جھٹکا لگا ہے ۔ بھارت کا اہم کھلاڑی میچ سے قبل ہسپتال پہنچ گیا ۔
بھارت کے افتتاحی بلے باز ابھیشک شرما پاکستان کیخلاف 15فروری کو ہونیوالے میچ سے قبل بیمار ہو کر ہسپتال پہنچ گئے۔
بھارتی اوپنر ابھیشیک شرما معدے میں تکلیف کے باعث دہلی کے ہسپتال پہنچ گئے ہیں ان کی کل نمیبیا کے خلاف میچ میں شرکت مشکوک ہے۔
ابھیشک شرما کو ڈاکٹرز نے ڈراپ بھی لگائی ہے ۔ واضح رہے کہ بھارت ٹیم نے ٹی ٹونٹی ورلڈ کپ کے اپنے پہلے میچ میں امریکہ کو شکست دی تھی ۔دوسری جانب پاکستان نے میگا ایونٹ کے پہلے میچ میں نیدر لینڈز کو شکست دی تھی جبکہ گزشتہ روز شاہینوں نے امریکہ کو شکست دے کر دوسری کامیابی سمیٹی تھی ۔
روایتی حریف پاکستان اور بھارت کی ٹیمیں 15فروری کو کولمبو میں مد مقابل آئیں گی ۔
