لندن (پاک ترک نیوز )برطانیہ میں مستقل رہائش حاصل کرنے والوں کی تعداد میں نمایاں اضافہ ہو گیا
برطانوی میڈیا کے مطابق جون 2025ء میں ختم ہونے والے سال کے دوران 163,353 سیٹلمنٹ گرانٹس جاری کی گئیں جو گزشتہ سال کے مقابلے میں تقریباً 18 فیصد زیادہ ہیں۔
رپورٹ کے مطابق 2018ء کے بعد سے سیٹلمنٹ گرانٹس میں مسلسل اضافہ دیکھنے میں آ رہا ہے تاہم 2025ء کی دوسری سہ ماہی میں اس شرح میں معمولی کمی بھی نوٹ کی گئی۔
اعداد و شمار کے مطابق 39,946 گرانٹس ایسے افراد کو دی گئیں جنہیں پناہ گزین، انسانی تحفظ یا خصوصی بنیادوں پر رہائش حاصل تھی
خاندانی بنیادوں پر 45,170 افراد کو مستقل رہائش دی گئی جو مارچ 2014ء کے بعد دوسری بڑی سالانہ تعداد ہے جبکہ ورک روٹ کے تحت 59,766 گرانٹس اور 18,471 گرانٹس دیگر کیٹیگریز میں شامل افراد کو دی گئیں۔
یہ بھی پؑڑھیں:امریکی ویزے کے قوانین میں تبدیلی، 2نئے سوالات شامل
ماہرین کے مطابق برطانوی حکومت کی جانب سے مقرر کردہ معیار پر پورا اترنے والے افراد ہی ان گرانٹس کے اہل ہوتے ہیں۔سیٹلمنٹ گرانٹ ملنے کے بعد افراد کو برطانیہ میں غیر معینہ مدت تک رہنے کی اجازت حاصل ہو جاتی ہے۔
