لاہور( پاک ترک نیوز)
پنجاب میں بیوہ خواتین اور یتیموں کی تذلیل کا دور ختم ہو گیا ۔۔ پاکستان میں پہلی بار سرکاری کفالت کا ایک شفاف ڈیجیٹل سسٹم تیارکر لیا گیا ۔۔۔ وزیراعلیٰ پنجاب رحمت کارڈ متعارف کرانے کا فیصلہ کیا گیا ۔مریم نواز نے منظوری دے دی ۔
منصوبے کے تحت مستحق خاندانوں کو ایک لاکھ روپے تک براہ راست مالی امداد فراہم کی جائے گی ۔۔وزیر اعلیٰ پنجاب رحمت کارڈ پہلے مرحلے میں 50 ہزار سے زائد بے آسرا گھرانوں کی معاشی ڈھال بنے گا،پراجیکٹ کا آغا عید کے بعد شروع ہو گا۔۔۔ بیوگان کو ایک ایک لاکھ اوریتیم بچوں کو 25،25ہزار ملیں گے۔۔صوبائی معاون خصوصی راشد نصر اللہ نے ”وزیراعلیٰ پنجاب رحمت کارڈ“پراجیکٹ پر تفصیلی بریفنگ دی۔
وزیراعلیٰ مریم نواز کا کہناہے پنجاب میں بیوہ اب محتاج نہیں ،ریاست کی ذمہ داری ہے بیوہ کو خیرات نہیں،باوقار حق ملے گا-پنجاب کے وسائل پرہرفرد کا پورا حق ہے۔حقدار تک حق پہنچانے کیلئے تمام وسائل بروئے کار لائیں گے۔۔ وزیراعلیٰ پنجاب رحمت کارڈ“ کے ذریعے بیوہ خواتین کو خود روزگار کی راہ پر گامزن کرنا چاہتے ہیں۔
