اسلام آباد ( پاک ترک نیوز) اسلام آباد: حماد اظہر کی گرفتاری کے بعد مختلف مقدمات میں مطلوب پاکستان تحریک انصاف کے رہنماؤں کے پہلے سے جاری عدالتی وارنٹس پر عملدرآمد تیز کرنے کا فیصلہ کیا گیا ہے۔ذرائع کے مطابق نومبر 2024 کے ڈی چوک احتجاج سمیت مختلف مقدمات میں عدالتی وارنٹس کا سامنا کرنے والے پی ٹی آئی رہنماؤں کی گرفتاریوں کا امکان ہے۔ذرائع کا کہنا ہے کہ جنید اکبر اور عبدالغنی کے خلاف ڈی چوک احتجاج سے متعلق مقدمات میں پہلے سے جاری وارنٹس پر عملدرآمد کیا جائے گا۔
شبلی فراز، مراد سعید اور حماد اظہر کے خلاف جوڈیشل کمپلیکس سے متعلق مقدمات میں جاری عدالتی وارنٹس بھی زیرِ عمل لائے جائیں گے۔زرتاج گل، عامر مسعود مغل، ڈاکٹر امجد علی اور مینا خان آفریدی بھی اسلام آباد کے مختلف مقدمات میں مطلوب رہنماؤں میں شامل ہیں۔ذرائع کے مطابق علی امین گنڈاپور اور عمر تنویر بٹ کے خلاف فیض آباد احتجاج کے مقدمے میں جاری قانونی کارروائی بھی آگے بڑھانے کا فیصلہ کیا گیا ہے۔ذرائع کا کہنا ہے کہ پی ٹی آئی رہنماؤں کی ممکنہ گرفتاریاں پہلے سے درج مقدمات اور ماضی میں جاری کیے گئے عدالتی وارنٹس کی بنیاد پر ہوں گی۔
یہ بھی پڑھیں: انگلینڈ کی پاکستان کیخلاف تیسرے ٹیسٹ میں گرفت مضبوط
اسلام آباد پولیس کو مختلف تھانوں میں درج مقدمات میں مطلوب پی ٹی آئی رہنماؤں کے عدالتی وارنٹس پر قانون کے مطابق عملدرآمد کی ہدایت بھی کر دی گئی ہے۔
