لاہور( پاک ترک نیوز) پنجاب کے میڈیکل اسٹورز پر ناقص ادویات کی فروخت جاری ہے ۔
ڈریپ نے ادویات کے مخصوص بیچز کے استعمال پر پابندی کا حکم دے دیا ،انجکشن کے لیے استعمال ہونے والا مخصوص پانی ناقص قرار دے دیا گیا ۔
انجکشن کے لیے استعمال ہونے والے پانی میں جراثیمی آلودگی کی تصدیق ہو گئی ،بیکٹیریل انفیکشن کے علاج کے لیے اینٹی بائیوٹک غیرمعیاری نکلی،اعصابی کمزوری اور دل کی دھڑکن کو سہارا دینے والی دوا بھی غیر معیاری قرار دی گئی۔
درد اور سوزش کے خاتمے، سرجری کے دوران سن کرنے والا انجکشن ناقص پایا گیا۔پٹھوں کے کھچاؤ اور درد، جسم میں نمکیات کی کمی پوری کرنے والی ڈرپس بھی ناقص نکلی۔
پنجاب کے میڈیکل اسٹورز پر ناقص ادویات کی فروخت ،ڈریپ ان ایکشن
