اسلام آباد ( پاک ترک نیوز) کابینہ ڈویژن کی جانب سے اپریل تا جون توشہ خانہ تحائف کا ریکارڈ جاری کر دیا گیا،مختلف اعلیٰ حکومتی شخصیات کو مارچ تا جون 2026 میں 21 قیمتی تحائف ملے
وزیر اعظم شہبازشریف اور نائب وزیر اعظم اسحاق ڈار بھی توشہ خانہ تحائف وصول کرنے والوں میں شامل ہیں۔
ریکارڈ کے مطابق وزیر اعظم شہباز شریف کو ایک شوگر باؤل، قیمتی قلم، مسجد نبوی کا ماڈل، شیلڈ اور ٹائی بطور تحفہ ملی، وزیر اعظم کو چینی خلائی سٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
یہ بھی پڑھیں: جزوی سورج گرہن اور پرسئیڈ شہابی بارش،12اگست 2026 یادگار رات بن جائے گی
ریکارڈ کے مطابق نائب وزیر اعظم کو چمڑے سے بنا چینی بیلٹ، مصری سٹیچو کا ماڈل، کف لنکس بطور تحفہ ملی، دونوں اعلی ترین حکومتی شخصیات کی جانب سے حاصل ہونے والے تحفہ جات توشہ خانہ میں جمع کر دیئے گئے ۔
کابینہ ڈویژن کے مطابق وزیر اعظم اور نائب وزیر اعظم کو ملنے والے تحائف کی قیمتوں کا تخمینہ لگایا جا رہاہے۔
