ڈیموکریٹک سینیٹر مارک کیلی کی صدر ٹرمپ کی پوپ لیو پر تنقید کی مذمت

واشنگٹن ( پاک ترک نیوز) ڈیموکریٹک سینیٹر مارک کیلی نے صدر ٹرمپ کی پوپ لیو پر تنقید کی مذمت کردی۔
مارک کیلی نے ٹرمپ کے اس بیان کو غیراخلاقی قرار دیا ۔ایکس پر اپنے پیغام میں انہوں نے کہا کہ ایک کیتھولک ہونے کے ناطے، مجھے یہ انتہائی غیر اخلاقی لگتا ہے کہ امریکہ کا صدر پوپ لیو، سنت پیٹر کے جانشین پر عوامی طور پر حملہ کرے۔
مارک کیلی کا کہنا ہے کہ ڈونلڈ ٹرمپ بے قابو ہو گئے ہیں،ٹرمپ کی غیر قانونی جنگ نے ایران میں معسوم بچوں کی جان لی۔ٹرمپ خود کو بچانے کے لیے چرچ پر بھی حؐلہ کرنے سے گریز نہیں کریں گے۔
ان کا مزید کہنا تھا کہ ٹرمپ خود کو بچانے کے لیے کسای بھی حد تک جا سکتے ہیں۔ٹرمپ لاکھوں امریکیوں کے ایمان اور سکون کی جگہ پر حملہ کر رہے ہیں،جو ناقابل قبول ہے۔