اسلام آباد ( پاک ترک نیوز) ملک کے کئی علاقوں میں بادلوں کی اننگز،لاہور میں رات گئے تیز آندھی اور گرج چمک کے ساتھ بارش سے موسم خوشگوارہو گیا۔
کینال روڈ،فیروز پور روڈ،گرین ٹاؤن،ٹاؤن شپ ،بحریہ ٹاؤن،جوہر ٹاؤن اور فیصل ٹاؤن میں بادل جم کر برسے ، پاکپتن، خانپور، بہاولنگر،اوکاڑہ، صادق آباد،میانوالی ،شجاع آباد ،ڈیرہ غازی خان میں کہیں تیز تو کہیں ہلکی بارش ہوئی۔
یہ بھی پڑھیں: کلائمیٹ چینج کا قہر،دنیا تباہی کے دہانے پر
جہانیاں میں بارش کے دوران حادثات میں دو بچیوں سمیت 13 افراد زخمی ہو گئے،جیکب آباد میں طوفانی بارش سے کئی گھروں کو نقصان پہنچا ۔
بلوچستان کے علاقے نصیر آباد میں آسمانی بجلی گرنے سے دوبچے جاں بحق ،ایک بچی زخمی ہوگئی۔محکمہ موسمیات کا کہنا ہے کہ شہر بھر میں مطلع ابر آلود ہے اورمختلف علاقوں میں گرد آلود ہواؤں کے ساتھ گرج چمک کا سلسلہ بھی جاری ہےجبکہ دن بھر وقفے وقفے سے بارش کا امکان ظاہر کیا گیا ہے۔
