از: سہیل شہریار
ایک چینی کاروباری ادارے۔ شیڈو نگ گروپ نے پورٹ قاسم پر 2 ارب یورو کی لاگت سے ایک مربوط میری ٹائم انڈسٹریل کمپلیکس (آئی ایم آئی سی )تعمیر کرنے کی پیشکش کی ہے۔
آئی ایم آئی سی کا یہ منصوبہ تین اہم اجزاء پر مشتمل ہوگا۔ جن میںلوہے اور کول برتھ جیٹی کی بحالی، جہاز سازی اور جہاز توڑنے کی سہولیات کا قیام، اور بندرگاہ کے کاموں کے ساتھ مربوط اسٹیل مل کی تعمیرشامل ہیں۔
لوہے اور کول برتھ جیٹی کجو سٹیل جیٹی کے نام سے معروف ہے کو بنیادی طور پر پاکستان اسٹیل ملز کے لیے لوہے اور کوئلے سمیت بلک کارگو کو ہینڈل کرنے کے لیے ڈیزائن کیا گیا تھا۔ یہ جیٹی 55,000 اور 75,000 ڈیڈ ویٹ ٹن (DWT) کے درمیان کے جہازوں کو ایڈجسٹ کر سکتی ہے اور تقریباً 4.5 سے 8 کلومیٹر تک پھیلے ایک وقف کنویئر سسٹم کے ذریعے اسٹیل مل سے منسلک ہے، جو براہ راست اسٹاک یارڈز اور بلاسٹ فرنیسس سے منسلک ہے۔
"اسٹیل سے گرین سی” اقدام کے طور پر برانڈڈ، یہ پروجیکٹ ایک ایسے مربوط ماڈل کا تصور پیش کرتا ہے جو جہاز کی ری سائیکلنگ کو ملکی اسٹیل کی پیداوار سے جوڑتا ہے۔ جس سے درآمدات پر انحصار کم ہوتا ہے اور ری سائیکل مواد کے استعمال کو زیادہ سے زیادہ کیا جاتا ہے۔ اگر منظور ہو جاتا ہے، تو یہ منصوبہ پاکستان کے بحری اور صنعتی شعبوں میں حالیہ سب سے بڑی سرمایہ کاری کی نمائندگی کر سکتا ہے۔ جس سے بھاری صنعت اور لاجسٹکس کے علاقائی مرکز کے طور پر پورٹ قاسم کے کردار کو تقویت ملے گی۔
یہ منصوبہ پاکستان کے وسیع تر صنعتی اور پائیداواری اہداف کے ساتھ مطابقت رکھتا ہے، خاص طور پر ملازمتوں کی تخلیق، قدر میں اضافے اور ماحولیاتی ذمہ دارانہ ترقی کے حوالے سے یہ اہم ہے۔ آئی ایم آئی سی کے تصور کی نقاب کشائی گذشتہ ماہ کراچی میں پورٹ قاسم اتھارٹی کے زیر اہتمام ایک تقریب میں کی تھی جس میں بندرگاہ کو دنیا کی نویں سب سے بہتر کنٹینر پورٹ کے طور پر تسلیم کیا گیا تھا۔
