لاہور(پاک ترک نیوز ) پاکستان سے حج آپریشن شروع ہو گیا ،کراچی سے پہلی پرواز عازمین حج کو لے کر سعودی عرب پہنچ گئی ،کراچی ایئر پورٹ پر گورنر سندھ نہال ہاشمی نے عازمین کو رخصت کیا،گورنر سندھ نے مسافروں کو مبارک باد دی۔،روٹ ٹو مکہ کے سعودی پروجیکٹ کے تحت لاہور سے پہلی حج پرواز 345 عازمین کو لے کر مدینہ منورہ روانہ ہو گئی۔ سعودی ایئر لائز کی پرواز صبح ساڑھے دس بجے روانہ ہوئی ۔ وفاقی وزیر مذہبی امور سردار محمد یوسف، صوبائی وزیر صحت خواجہ سلمان رفیق، صوبائی وزیر خزانہ میاں مجتبیٰ شجاع الرحمان، سعودی سفیر نواف سعید المالکی، وفاقی سیکرٹری مذہبی امور ابرار احمد مرزا اور روٹ ٹو مکہ پراجیکٹ کے سربراہ میجر جنرل ڈاکٹر صالح بن سعد المیرابا نے عازمین حج کو رخصت کیا۔ ملتان سے پہلی حج پرواز کے ذریعے 151 عازمین سعودی عرب روانہ ہوئے۔چیئرمین سینیٹ یوسف رضا گیلانی نے پہلی پرواز کے عازمین کو رخصت کیا۔
