وزیر داخلہ محسن نقوی کا چینی سفارتخانے کا دورہ

اسلام آباد ( پاک ترک نیوز) ‎وفاقی وزیر داخلہ محسن نقوی نے چینی سفارتخانے کا دورہ کیا اور چینی سفیر سے ملاقات کی۔
دونوں رہنماؤں کے درمیان ‎انسداد دہشت گردی، سکیورٹی تعاون، پولیس ایکسچینج پروگرام سمیت دیگر اہم امور پر تبادلہ خیال کیا گیا ،خطے کی مجموعی صورتحال پر بھی بات چیت ہوئی ۔
ملاقات میں پاکستان میں چینی سرمایہ کاروں کو درپیش سیکورٹی مسائل کے حل کیلئے بزنس کانفرنس کے انعقاد کا فیصلہ کیا گیا ،محسن نقوی نے کہا ‎غیر ملکی شہریوں کے تحفظ کیلئے سپیشل پروٹیکشن یونٹ کا قیام عمل میں لایا جا رہا ہے۔