تہران ( پاک ترک نیوز) ایران کے شہید سپریم لیڈر آیت اللہ خامنہ کی آخری رسومات کی تیاریاں شروع کر دی گئی ہیں ، جسد خاکی امام خمینی حسینیہ سینٹر میں رکھ دیا گیا ،تہران میں رقت آمیز مناظر دکھائی دے رہے ہیں ۔
شہید آیت اللہ خامنہ ای کا جسد خاکی تہران سے مقدس شہر قم، پھر عراق کے شہروں نجف اور کربلا لے جایا جائے گا،، نو جولائی کو ایران کے شہر مشہد میں تدفین کی جائے گی۔
ایران کے شہید سپریم لیڈر آیت اللہ خامنہ کی آخری رسومات میں تہران میں دو کروڑ افراد کی آمد متوقع ہے ۔آیت اللہ خامنہ ای کی آخری رسومات میں سو ممالک کے اہم رہنما شرکت کریں گے ۔
آیت اللہ خامنہ ای کی آخری رسومات کے دوران ایران میں سکیورٹی ہائی الرٹ کر دی گئی، مختلف ممالک سے آنے والے اعلیٰ حکام، مذہبی اور سیاسی رہنماؤں کی آمد کو محفوظ بنانے کے لیے ایرانی فورسز کی نفری بڑھا دی گئی۔
یہ بھی پڑھیں: ایران کا جوہری تنصیبات کے معائنے کی اجازت نہ دینے کا اعلان
تہران میں فضائی حدود کی دن رات کڑی نگرانی کی جا رہی ہے، سرحدوں پر پہرا مزید سخت کر دیا گیا۔
مجتبیٰ خامنہ ای والد آیت اللہ خامنہ ای کی تعزیتی تقاریب میں شریک نہیں ہوں گے۔ سکیورٹی خدشات کی وجہ سے فیصلہ کیا گیا۔
