فیصل آباد(پاک ترک نیوز ) سی سی ڈی فیصل آباد نے مبینہ مقابلے میں پنجاب کی یونیورسٹیوں اور کالجوں میں منشیات سپلائی کرنے والے بڑے منشیات فروش کو ہلاک کرنے کا دعویٰ کیا ہے۔سی سی ڈی کے مطابق ساتھ پل ڈینگرو کے قریب مبینہ مقابلے میں منشیات فروش طیب یوسف اپنے ہی ساتھیوں کی فائرنگ سے ہلاک ہوگیا۔حکام کے مطابق ملزم کی گاڑی سے 34 کلو آئس، 20 کلو افیون، 14 کلو چرس اور اسلحہ برآمد کیا گیا، جس کی مالیت کروڑوں روپے بتائی گئی ہے۔سی سی ڈی کے مطابق ہلاک ملزم اپنے بھائی اور دیگر ساتھیوں کے ساتھ مل کر پنجاب بھر کی یونیورسٹیوں اور کالجوں میں منشیات سپلائی کرتا تھا۔
یہ بھی پڑھیں: ایران مکہ دفاعی اتحاد کا حصہ بن سکتا ہے، روسی وزیر خارجہ
حکام کا کہنا ہے کہ طیب یوسف منشیات فروخت کرکے حاصل ہونے والی رقم سے تھانہ رضا آباد کے علاقے میں پاور لوم فیکٹری بھی قائم کرچکا تھا۔سی سی ڈی نے ہلاک ملزم کی لاش پوسٹ مارٹم کے لیے اسپتال منتقل کردی، جبکہ واقعے کی مزید قانونی کارروائی اور تحقیقات جاری ہیں۔
