آر اے شمشاد
پانچ میچوں پر مشتمل ایشز سیریز کے دوسرے ٹیسٹ میچ میں بھی انگلینڈ کو اننگز کی شکست کا خطرہ منڈلانے لگا ہے ۔
آسٹریلیا اور انگلینڈ کے درمیان ایشز سیریز کا دوسرا ٹیسٹ میچ برسبین میں کھیلے جا رہے ۔انگلینڈ کی آسٹریلیا کیخلاف پوزیشن خراب ہے اور اس کے سر پر دوسرے ٹیسٹ میں بھی شکست کا خطرہ منڈلانے لگا ہے ۔ تیسرے دن کے اختتام پر انگلینڈ نے دوسری اننگز میں 134رنز بنائے ہیں اور اس کے 6کھلاڑی پویلین لوٹ چکے ہیں ۔انگلینڈ کو آسٹریلیا کا خسارہ برابر کرنے کیلئے ابھی مزید 43رنزدرکار ہیں ۔بین سٹوکس اور ول جیکس 4،4رنز بنا کر کریز پر موجود ہیں ۔
انگلینڈ کی جانب سے دوسری اننگز میں زیک کرائولی نے 44جبکہ اولیو پوپ نے 26رنز کی اننگز کھیلی ہے ۔ آسٹریلیا کی جانب سے سٹارک ،نیسر اور بولینڈ نے دو دو کھلاڑیوں کو پویلین کی راہ دکھائی ہے ۔
واضح رہے کہ انگلینڈ نے دوسرے ٹیسٹ میچ کی پہلی اننگز میں 334رنز بنائے تھے ۔ جس کے جواب میں آسٹریلیا نے 511رنز سکور کئے تھے اور اسے 177رنز کی برتری حاصل ہوئی تھی ۔ انگلینڈ نے تیسرے روز کے اختتام پر 6وکٹوں کے نقصان پر 134رنز بنائے ہیں اوراس کے 6کھلاڑی پویلین لوٹ چکے ہیں۔
یاد رہے کہ اس سے قبل پہلے ٹیسٹ میچ میں آسٹریلیا نے انگلینڈ کو شکست سے دوچار کیا تھا اور سیریز میں ایک صفر کی برتری حاصل کی تھی ۔
