لاہور( پاک ترک نیوز) لاہور ہائی کورٹ میں اپنی ساس اور سالی کے قتل میں دو مرتبہ پھانسی کی سزا پانے والے مجرم کی اپیل پر سماعت ہوئی ، عدالت نے مجرم احمد خان کی دو مرتبہ پھانسی کی سزا کے خلاف اپیل مسترد کر دی۔
جسٹس شہرام سرور کی سربراہی میں دو رکنی بنچ نے مجرم کی سزائے موت کے خلاف اپیل پر سماعت کی ،منیر احمد ایڈیشنل پراسیکیوٹر جنرل پنجاب نے اپیل کے خلاف دلائل دئیے ۔
ایڈیشنل پراسیکیوٹر جنرل نے کہامجرم احمد علی نے 23 نومبر 2018 کو اپنی بیوی اور سالی کو چھریوں کے وار کر کے قتل کیا، اپنی بیوی عنبرین،ارم اور ایک سالہ بچے عثمان کو چھریوں کے وار سے زخمی کیا۔
ایڈیشنل پراسیکیوٹر جنرل کے مطابق ایڈیشنل سیشن جج لاہور نے مجرم کو 20 جنوری 2020 کو دو مرتبہ پھانسی کی سزا سنائی،مجرم کے خلاف اس کی بیوی اور زخمی ارم نے بیان ریکارڈ کروایا،مجرم نے رشتہ کے تناذعہ پر اپنی ساس اور سالی کو قتل کیا۔
ایڈیشنل پراسیکیوٹر جنرل نے کہا مجرم کسی رعایت کا مستحق نہیں پھانسی کی سزا کے خلاف اپیل مسترد کی جائے۔
یہ بھی پڑھیں: لاہور ،انارکلی میں تاریخی ایونگ ہال کو بحال کرنے کا فیصلہ
مجرم احمد خان کے وکیل نے دلائل دیئے درخواست گزار مجرم کو گھریلو جھگڑے پر نامزد کیا گیا،خواتین کو نامعلوم افراد نے قتل کیا،عدالت ماتحت عدالت کا حکم کلعدم قرار دے کر درخواست گزار مجرم کو بری کرنے کا حکم دے۔
