الجزائر ( پاک ترک نیوز) الجزائر نے متحدہ عرب امارات کے ساتھ سفارتی تعلقات منقطع کرتے ہوئے امارات میں رجسٹرڈ شہری اور فوجی طیاروں کے لیے اپنی فضائی حدود بند کرنے کا اعلان کر دیا۔الجزائر کی حکومت نے متحدہ عرب امارات پر اشتعال انگیز اور دشمنانہ اقدامات کا الزام عائد کیا ہے، تاہم دونوں ممالک کے درمیان اچانک پیدا ہونے والے سفارتی بحران کی فوری وجہ واضح نہیں کی گئی۔الجزائر کی وزارت دفاع کے مطابق اماراتی طیاروں پر فضائی پابندی جمعے سے نافذ ہوگی، تاہم الجزائر کے ہوائی اڈے سے آنے جانے والی تجارتی پروازوں کو سال 2026 کے اختتام تک اس پابندی سے مستثنیٰ قرار دیا گیا ہے۔
الجزائر نے متحدہ عرب امارات کے سفیر کو بھی ملک چھوڑنے کے لیے 48 گھنٹے کی مہلت دے دی ہے۔الجزائری وزارت خارجہ کے مطابق دونوں ممالک کے تعلقات بچانے کے لیے تمام ممکنہ راستے اختیار کیے گئے، لیکن بار بار خبردار کیے جانے کے باوجود متحدہ عرب امارات نے اپنے اقدامات جاری رکھے، جس کے بعد صورتحال ناقابل قبول حد تک پہنچ گئی۔
یہ بھی پڑھیں: برطانیہ میں فضائی ٹریفک کا نظام مفلوج، فوجی طیارے کا ڈیٹا اندراج خرابی کی وجہ قرار
دوسری جانب متحدہ عرب امارات نے الجزائر کے فیصلے پر افسوس کا اظہار کرتے ہوئے امید ظاہر کی ہے کہ یہ اقدام عارضی ثابت ہوگا اور دونوں ممالک کے درمیان برادرانہ تعلقات برقرار رہیں گے۔
