کولمبو ( پاک ترک نیوز) ٹی ٹونٹی ورلڈ کپ کے اہم میچ میں پاکستان نے ٹاس جیت کر نمیبیا کیخلاف بیٹنگ کا فیصلہ کیا ہے ۔
تفصیلات کےمطابق پاکستان نے ٹی ٹونٹی ورلڈ کے آخری گروپ میچ میں نمیبیا کیخلاف اہم میچ میں پہلے بیٹنگ کا فیصلہ کیا ہے۔
پاکستان کرکٹ ٹیم میں دو تبدیلیاں کی گئی ہیں ،شاہین شاہ آفریدی اور ابرار احمد کی جگہ سلمان مرزا اور خواجہ نافع کو پلیئنگ الیون کا حصہ بنایا گیا ہے ۔
پاکستان پلیئنگ الیون میں صاحبزادہ فرحان،صائم ایوب، سلمان علی آغا، بابراعظم ، عثمان خان، خواجہ نافع،شاداب خان،محمد نواز،فہیم اشرف ،سلمان مرزا اور عثمان طارق شامل ہیں ۔
واضح رہے کہ پاکستان کو سپر ایٹ مرحلے میں رسائی کیلئے اس میچ میں کامیابی حاصل کرنا لازمی ہے ۔ شکست کی صورت میں امریکہ سپر ایٹ مرحلے کیلئے کوالیفائی کر جائے گا ۔
پاکستان نے میگا ایونٹ میں اب تک میچز کھیلے ہیں ۔ اس نے نیدر لینڈز اور امریکہ کو ہرایا تھا جبکہ اسے روایتی حریف بھارت کیخلاف شکست کا سامنا کرنا پڑا تھا جس کے بعد ٹیم کو شدید تنقید کا بھی سامنا کرنا پڑا تھا ۔ سابق کرکٹرز اور شائقین کی جانب سے بابراعظم ، شاداب خان اور شاہین شاہ آفریدی کی جگہ نئے لڑکوں کو موقع دینے کا بھی مطالبہ سامنے آیا تھا۔
ٹی ٹونٹی ورلڈ کپ :پاکستان کا نمیبیا کیخلاف ٹاس جیت کر بیٹنگ کا فیصلہ
