پرتھ ( پاک ترک نیوز) آسٹریلیا اور انگلینڈ کے درمیان کھیلی جانے والی ایشز سیریز کی 143 سالہ تاریخ میں نیا ریکارڈ قائم ہوگیا۔
پانچ میچوں پر مشتمل ایشز 2025 کے پرتھ میں کھیلے جارہے پہلے ٹیسٹ میچ میں دونوں ٹیموں کی پہلی پہلی وکٹ صفر پر گری جو ایشز کی تاریخ میں آج سے پہلے کبھی نہ ہوا۔
انگلینڈ نے ٹاس جیت کر پہلے بیٹنگ کا فیصلہ کیا تو پہلے ہی اوور کی آخری گیند پر زیک کرولی کو مچل سٹارک نے پویلین واپس بھیج دیا۔
انگلش ٹیم پہلے روز چائے کے وقفے سے قبل ہی 172 رنز پر ڈھیر ہوگئی۔
آسٹریلوی ٹیم بیٹنگ کیلئے میدان میں اتری تو جوفرا آرچر نے ڈیبیوٹنٹ جیک ویدرالڈ کو دوسری گیند پر ہی بغیر کھاتہ کھولے آؤٹ کردیا۔
ٹیسٹ میچ کے پہلے روز ہی 43 ہزار 591 تماشائی میدان میں موجود تھے، جو ٹیسٹ کرکٹ دیکھنے کے لیے پرتھ آنے والے تماشائیوں کی اب تک کی سب سے بڑی تعداد ہے۔
گزشتہ سال آسٹریلیا اور بھارت کے درمیان ٹیسٹ میچ کے دوسرے روز 32 ہزار 368 شائقین نے میچ دیکھا تھا۔
ایشز سیریز کی 143 سالہ تاریخ میں نیا ریکارڈ قائم
