اسلام آباد پھر عالمی سفارتکاری کا مرکز بننے کو تیار

اسلام آباد ( پاک ترک نیوز) اسلام آباد ایک بار پھر عالمی سفارتکاری کا مرکز بننے کو تیار ہے۔
امریکا اور ایران کے درمیان امن مذاکرات کے دوسرے راؤنڈ کی تیاریاں حتمی مراحل میں داخل ہو گئیں ،غیر ملکی وفود کی متوقع آمد کے پیش نظر سیکیورٹی کو ہائی الرٹ کر دیا گیا ، شہر شہر بھر میں سیکیورتی کیلئے پنجاب کے 10 اضلاع سے پولیس کی بھاری نفری طلب کر لی گئی ، جبکہ اسلام آباد بھر میں تقریباً 18 ہزار اہلکار تعینات کیے جائیں گے۔
اسلام آباد کے توسیعی شدہ ریڈ زون کو مکمل طور پر سیل کیا جائے گا، فائیو اسٹار ہوٹلز، کنونشن سینٹرز اور اہم سرکاری و سفارتی مقامات کے گرد سخت سیکیورٹی انتظامات کیے جا رہے ہیں۔ شہر کے لیے ایک مربوط ٹریفک پلان بھی مرتب کر لیا گیا ، جس کے تحت مختلف اہم شاہراہیں بند رکھی جائیں گی۔