اسلام آباد (پاک ترک نیوز )نائب وزیراعظم و وزیر خارجہ اسحاق ڈار کی ایرانی وزیر خارجہ سید عباس عراقچی سے ٹیلی فون پر گفتگو ہوئی ہے ،نائب وزیراعظم نے تاریخی اسلام آباد مفاہمتی یادداشت پر دستخط ہونے پر مبارکباد دی۔
اسحاق ڈار نے مذاکرات کے اگلے مرحلے کے آغاز کے لیے نیک تمناؤں کا اظہارکرتے ہوئے کہا کہ امید ہے یہ عمل خوش اسلوبی سے آگے بڑھے گا اور مثبت نتائج سامنے آئیں گے۔
ایرانی وزیر خارجہ نے پاکستان کی تعمیری اور مسلسل ثالثی کی کوششوں پر اظہار تشکر کیا ،دونوں رہنماؤں کے درمیان علاقائی صورتحال پر تبادلہ خیال کیا گیا
دونوں رہنماوں نے لبنان میں اسرائیل کی جانب سے جنگ بندی کی خلاف ورزیوں پر گہری تشویش کا اظہار کیا ہے ،ایرانی وزیر خارجہ نے 30 ایرانی شہریوں کی وطن واپسی میں سہولت کاری پر شکریہ ادا کیا،دونوں رہنمائوں نے قریبی رابطے برقرار رکھنے کے عزم کا اعادہ کیا ہے
