اومان (پاک ترک نیوز )اومان مں انڈر 19 ایشیا کپ کے فائنل میں بھارت نے پاکستان کو سنسنی خیز مقابلے کے بعد 1 وکٹ سے شکست دے دی۔
العمرات میں کھیلے گئے میچ میں پاکستان ٹیم نے مقررہ 50 اوورز میں 9 وکٹ پر 337رنز بنائے ، بھارت نے ہدف 9 وکٹ پر آخری گیند پر حاصل کرلیا۔
انڈر 19 کرکٹ میں پاکستان اور بھارت کے درمیان یہ رنز کے اعتبار سے سب سے بڑا مقابلہ تھا ، جس میں دونوں سائیڈز نے مجموعی طور پر 676 رنز بنائے۔
اس میچ میں بھارت کے موہیت الوا اور مانال چوہان نے 9ویں وکٹ پر ریکارڈ 57 رنز کی شراکت قائم کی اور ٹیم کو فتح سے ہمکنار کرانے میں مرکزی کردار ادا کیا۔
پاکستانی ٹیم کے فاسٹ بولر محمد صیام نے میچ انڈر 19 کرکٹ میں 10 اوورز میں ریکار 79 رنز دیے ،ان سے قبل کرامت علی نے 78 رنز دیے تھے۔
بھارتی کپتان لکشے رائی چندنی نے 80، آریہ ویر سہواگ نے 58، مانال چوہان 47 رنز کے ساتھ نمایاں بیٹر رہے جبکہ موہت الوا نے 49 رنز کی ناقابل شکست اننگز کھیلی۔
گرین شرٹس کے رضوان اللّٰہ نے 3 اور نقاب شفیق نے 2 کھلاڑیوں پویلین بھیجا جبکہ علی رضا ، محمد صیام اور حسنین عباس ڈار نے 1،1 وکٹ حاصل کی۔
اس سے قبل پاکستانی ٹیم کی طرف سے عثمان 107، عبدالقادر80 اور حیام خان نے 21 رنز کی نمایاں اننگز کھیلیںجبکہ بھارت کے بھارت کے کاویہ پریش پٹیل نے 4 اور چگوروپتی وینکٹے نے 3 وکٹیں حاصل کیں۔
پاکستانی ٹیم ایونٹ میں ناقابل شکست رہی تھی اس نے گروپ میچ میں بھی بھارت کو شکست سے دوچار کیا تھا۔
