تہران ( پاک ترک نیوز) ایرانی وزیر خارجہ عباس عراقچی نے فرانس پر شدید تنقید کرتے ہوئے کہا ہے کہ فرانس انسانی حقوق اور بین الاقوامی قانون کے حوالے سے دنیا کو لیکچر دینے سے باز رہے۔
عباس عراقچی نے اپنے بیان میں کہا کہ غزہ اور ایران کے خلاف جارحیت کی حمایت نے فرانس کے اخلاقی دیوالیے پن کو بے نقاب کردیا ہے۔
ایرانی وزیر خارجہ کا کہنا تھا کہ غزہ اور ایران کے معاملے پر فرانس کا مؤقف منافقانہ ہے، جبکہ فرانسیسی حکومت کے دوہرے معیارات واضح اور شرمناک ہیں۔
عراقچی نے مزید کہا کہ جو ملک انسانی حقوق اور بین الاقوامی قانون کی بات کرتا ہے، اسے اپنے اقدامات اور پالیسیوں کا بھی جائزہ لینا چاہیے۔
یہ بھی پڑھیں: ٹرمپ کا آبنائے ہرمز پر مکمل کنٹرول کا دعویٰ
ایرانی وزیر خارجہ نے فرانس پر زور دیا کہ وہ دوسرے ممالک کو انسانی حقوق اور بین الاقوامی قانون پر درس دینے کے بجائے اپنے مؤقف اور پالیسیوں میں موجود تضادات پر توجہ دے۔
