پنجاب اسمبلی کا خصوصی اجلاس 11مئی کو طلب

لاہور( پاک ترک نیوز) پنجاب اسمبلی کا خصوصی اجلاس 11 مئی کو دوپہر 2 بجے ہوگا، ایجنڈا “معرکہ حق، ون نیشن ون وائس” ہوگا، کامیاب سفارتکاری اور فوج کی تاریخی کامیابی پر وزیراعظم شہبازشریف ،فیلڈ مارشل سید عاصم منیر کو خراج تحسین پیش کیا جائے گا۔
خصوصی اجلاس میں قومی اتحاد اور یکجہتی کے پیغام کو اجاگر کیا جائے گا۔ پنجاب اسمبلی کے خصوصی اجلاس میں معرکۂ حق پر قوم اور افواجِ پاکستان کی قربانیوں کو خراجِ تحسین پیش کیا جائے گا۔ قومی یکجہتی اور پاکستان کی کامیابی پر اظہارِ تشکر کیا جائے گا۔،خصوصی اجلاس کی صدارت سپیکر ملک محمد احمد خاں کریں گے۔