سیکیورٹی فورسز کا بنوں میں انٹیلی جنس بیسڈ آپریشن، دو دہشتگرد ہلاک

راولپنڈی ( پاک ترک نیوز) سیکیورٹی فورسز کا بنوں میں انٹیلی جنس بیسڈ آپریشن، دو دہشتگرد ہلاک ہو گئے ۔
آئی ایس پی آر کا کہناہے کہ ہلاک دہشتگردوں میں خوارجی رنگ لیڈر واہیداللہ عرف مختیار اور خودکش حملہ آور شامل ہیں۔ہلاک دہشتگردوں سے خودکش جیکٹ، اسلحہ اور بارودی مواد بھی برآمد ہوا ہے۔
ہلاک دہشتگرد وحیداللہ سیکیورٹی فورسز اور شہریوں پر حملوں میں مطلوب دہشتگرد تھا،21 فروری کے خودکش حملے کے مرکزی ہینڈلر کو انجام تک پہنچا دیا گیا،سیکیورٹی فورسز کی بروقت کارروائی سے بڑی تباہی کا خطرہ ٹل گیا۔
علاقے میں کلیئرنس آپریشن جاری، مزید دہشتگردوں کی تلاش بھی جاری ہے ۔
آئی ایس پی آر کا کہنا ہے کہ "عزمِ استحکام” کے تحت دہشتگردی کے خاتمے کیلئے آپریشنز جاری رہیں گے۔