وزیراعظم کا آذربائیجان کے صدر سے ٹیلی فونک رابطہ ،ڈرون حملے کی مذمت

اسلام آباد ( پاک ترک نیوز) وزیراعظم نے آذربائیجان کے صدر الہاف علییوف سے ٹیلی فون پر گفتگو کی ہے۔
وزیر اعظم محمد شہباز شریف نے الہام علییوف، جمہوریہ آذربائیجان کے صدر سے ٹیلیفونک رابطہ کیا۔ گفتگو کے دوران وزیراعظم نے کل آذربائیجان کے ناخچیوان پر ہونے والے ڈرون حملوں کی سخت ترین الفاظ میں مذمت کی جس میں معصوم شہریوں کو نشانہ بنایا گیا۔ انہوں نے آذربائیجان کی قیادت کو یقین دلایا کہ پاکستان اس مشکل وقت میں آذربائیجان کے برادر عوام کے ساتھ مکمل یکجہتی اور حمایت میں کھڑا ہے۔
وزیرِ اعظم نے صدر علیئیف کو ایران اور خلیج میں جاری بحران کے حوالے سے پاکستان کی سفارتی کوششوں سے آگاہ کیا۔
صدر علییوف نے وزیراعظم کا ٹیلی فونک رابطے پر شکریہ ادا کیا اور اس مشکل وقت میں پاکستانی عوام کے یکجہتی اور حمایت کے جذبات کو سراہا۔
دونوں رہنماؤں نے خطے میں کشیدگی میں کمی اور امن کی بحالی کی ضرورت پر زور دیا اور رابطے میں رہنے پر اتفاق کیا۔