حکومت کی چینی آئی پی پیز سے نظرثانی شدہ معاہدوں پر رضامندی حاصل کرنے کی کوششیں

کراچی(پاک ترک نیوز ) حکومت نے چینی آئی پی پیز سے نظرثانی شدہ معاہدوں پر رضامندی حاصل کرنے کی کوششیں تیز کر دیں۔
مقصد 1.225 کھرب روپے کے فنانسنگ پیکج کی باقی رقم جاری کروانا ہے۔ذرائع کے مطابق چینی آئی پی پیز سے سی پیک کے تحت نئے معاہدوں پر بات چیت جاری ہے۔ حکومت دیگر آئی پی پیز کی طرز پر چینی کمپنیوں سے بھی ری اسٹرکچرنگ معاہدے چاہتی ہے۔
نیشنل انرجی ٹاسک فورس نے مجوزہ میکانزم پر اپنا کام مکمل کر لیا۔ سی پی پی اے کے مطابق چینی آئی پی پیز کو 560 ارب روپے سے زائد کی ادائیگیاں واجب الادا ہیں۔ واجب الادا رقم میں جون 2025 کے بعد 130 ارب روپے کا مزید اضافہ ہوا۔ توانائی شعبے کے مالی دباؤ میں کمی کیلئے حکومت مختلف آپشنز پر غور کر رہی ہے۔