راولپنڈی ( پاک ترک نیوز) پاکستان نے مشرقِ وسطیٰ میں جاری کشیدگی کے پرامن اور دیرپا حل کے لیے سفارتی کوششیں تیز کردیں، فیلڈ مارشل سید عاصم منیر ایران روانہ ہوگئے، وزیر داخلہ محسن نقوی بھی ان کے ہمراہ ہیں۔مشرقِ وسطیٰ میں بڑھتی ہوئی کشیدگی کے خاتمے کے لیے پاکستان ایک بار پھر متحرک ہوگیا۔۔۔فیلڈ مارشل سید عاصم منیر ایران روانہ ہوگئے،وزیر داخلہ محسن نقوی بھی فیلڈ مارشل کے ہمراہ ہیں۔
آئی ایس پی آر کے مطابق فیلڈ مارشل سید عاصم منیر کے دورۂ ایران کا بنیادی محور مشرقِ وسطیٰ کے تنازع کا پرامن اور دیرپا حل تلاش کرنے کی کوششیں ہیں۔پاکستان کی جانب سے خطے میں امن، استحکام اور کشیدگی میں کمی کے لیے سفارتی رابطے جاری ہیں۔فیلڈ مارشل عاصم منیر دورۂ ایران کے دوران ایرانی اعلیٰ حکام سے ملاقاتیں کریں گے اور خطے کی موجودہ صورتحال سمیت باہمی دلچسپی کے اہم امور پر تبادلۂ خیال کیا جائے گا۔
یہ بھی پڑھیں: ایران کو معیشت سے الگ کرنے کی مہم کے نتائج امریکا بھگتے گا،باقر قالیباف
ذرائع کے مطابق ملاقاتوں میں علاقائی امن و سلامتی، کشیدگی کے خاتمے اور تنازع کے پرامن حل کے لیے ممکنہ اقدامات پر بات چیت متوقع ہے۔
