اسلام آباد ( پاک ترک نیوز) وزیراعظم شہباز شریف کی زیر صدارت آج ہونے والا قومی اقتصادی کونسل ا اجلاس ملتوی کر دیا گیا ۔
ذرائع کے مطابق اجلاس کا نیا شیڈول بعد میں جاری کیا جائے گا۔ اجلاس میں ملک کے اہم اقتصادی فیصلوں اور قومی ترقیاتی بجٹ کی منظوری زیر غور آنا تھی۔
ذرائع کا کہنا ہے کہ ملتوی ہونے والے اجلاس میں چاروں صوبوں کے وزرائے اعلیٰ نے بھی شرکت کرنا تھی، جبکہ اجلاس میں آئندہ مالی سال کے لیے قومی ترقیاتی پروگرام کی منظوری بھی ایجنڈے میں شامل تھی۔
قومی اقتصادی کونسل ملک کی اعلیٰ ترین اقتصادی پالیسی ساز اتھارٹی ہے، جو وفاق اور صوبوں کے درمیان معاشی ہم آہنگی اور ترقیاتی منصوبوں کی منظوری کا اہم فورم سمجھی جاتی ہے۔
حکام کے مطابق اجلاس کی نئی تاریخ اور ایجنڈا دوبارہ جاری کیا جائے گا، تاہم ملتوی ہونے کی وجوہات فوری طور پر واضح نہیں کی گئیں۔
