ٹی ٹونٹی ورلڈ کپ :پاکستان کو بھارت کے ہاتھوں 61رنز سے شکست

کولمبو (پاک ترک نیوز)آئی سی سی ٹی ٹونٹی ورلڈ کپ کے اہم میچ میں پاکستان کو بھارت کے ہاتھوں 61رنز سے شکست کا سامنا کرنا پڑا ہے۔
تفصیلات کے مطابق کولمبو میں کھیلے گئے آئی سی سی ٹی ٹونٹی ورلڈ کپ 2026کے اہم میچ میں بھارت کے 176رنز کے ہدف کے تعاقب میں پاکستان کی پوری ٹیم 18اوورز میں 114رنز بنا کر پویلین لوٹ گئی ۔
پاکستان نے بھارت کے ہدف کے تعاقب میں اننگز کا آغاز کیا تو بیٹنگ لائن ایک مرتبہ پر دھوکہ دے گئی ۔ صاحبزادہ فرحان بغیر کوئی رن بنا ئے آئروٹ ہوئے ۔ صائم ایوب صرف 6رنز ہی بنا سکے ۔
کپتان سلمان علی آغا نے صرف 4رنز بنائے اور پویلین لوٹ گئے ۔ بابراعظم بھی خاص کارکردگی کامظاہرہ نہ کر سکے اور محض 5رنز ہی بنا سکے ۔
پاکستان کی جانب سے عثمان خان نے 44،شاہین آفریدی نے 23رنز سکور کئے ۔
بھارت کی جانب سے بمرا ،ہردیک پانڈیا ،اکشر پٹیل اور ورن چکرورتی نے دو دو وکٹیں حاصل کیں ۔
اس سے قبل بھارت نے 7وکٹوں کے نقصان پر 175رنز بنائے تھے ۔کشان نے 77،کپتان سوریا کمار یادیو نے 32رنز کی اننگز کھیلی ۔
پاکستان کی جانب سے صائم ایوب نے تین جبکہ سلمان ،شاہین اور عثمان طارق نے ایک ایک وکٹ حاصل کی ۔
یاد رہے کہ بھارت اور پاکستان اب تک 9مرتبہ ٹی ٹونٹی ورلڈ کپ میں مد مقابل آ چکے ہیں جہاں بھارت کا پڑا بھاری ہے اور اس نے پاکستان کو 8مرتبہ شکست دی ہے جبکہ پاکستان صرف ایک بار ہی جیت کا مزہ چکھ چکا ہے۔