کولمبو : (پاک ترک نیوز)آئی سی سی مینز ٹی20 ورلڈ کپ کے افتتاحی مقابلے میں پاکستان اور نیدرلینڈز کی ٹیمیں سری لنکا کے شہر کولمبو میں مدِ مقابل ہیں۔
قومی ٹیم کے کپتان سلمان علی آغا نے ٹاس جیت کر پہلے فیلڈنگ کرنے کا فیصلہ کیا ہے۔پاکستانی ٹیم گروپ اے میں اپنا پہلا میچ نیدرلینڈز کے خلاف کھیل رہی ہے، جو پاکستانی وقت کے مطابق صبح ساڑھے دس بجے شروع ہوا۔
میگا ایونٹ میں مجموعی طور پر 20 ٹیمیں شریک ہیں، جنہیں چار گروپس میں تقسیم کیا گیا ہے، جبکہ پہلے ہی دن تین میچز شیڈول ہیں۔میچ سے قبل گرین شرٹس نے کولمبو میں بھرپور پریکٹس سیشن کیا، جس میں بیٹنگ، بولنگ اور فیلڈنگ پر خاص توجہ دی گئی۔
موسم کی صورتحال کو دیکھتے ہوئے بارش کی پیشگوئی بھی کی گئی تھی، اسی لیے ٹاس کو انتہائی اہم قرار دیا جا رہا تھا۔افتتاحی روز کے دیگر مقابلوں میں ویسٹ انڈیز کی ٹیم اسکاٹ لینڈ کے خلاف میدان میں اترے گی، جبکہ ایک اور اہم میچ میں بھارت اور امریکا کی ٹیمیں آمنے سامنے ہوں گی۔
ٹی20 ورلڈ کپ افتتاحی میچ: پاکستان کا نیدرلینڈز کے خلاف ٹاس جیت کر پہلے فیلڈنگ کا فیصلہ
