ٹرائی نیشن ٹی ٹوٹنی سیریز :سری لنکا اور زمبابوے اہم میچ میں آج مد مقابل

راولپنڈی(پاک ترک نیوز ) ٹرائی نیشن ٹی 20 سیریز کا اہم میچ میں آج سری لنکا اور زمبابوے میں جوڑ پڑے گا ۔
دونوں ٹیمیں شام 6 بجے راولپنڈی کرکٹ سٹیڈیم میں ان ایکشن ہوں گی، سری لنکا اور زمبابوے کی ٹیموں نے راولپنڈی کرکٹ سٹیڈیم میں پریکٹس سیشن کیا۔
یاد رہے کہ سری لنکا نے سیریز میں دو میچز کھیلے ہیں اور دونوں میں شکست ہوئی جبکہ زمبابوے نے تین میچز کھیل کر ایک میں کامیابی حاصل کی اور دو میں اسے شکست کا سامنا کرنا پڑا ہے۔
واضح رہے کہ دو روز قبل پاکستان نے زمبابوے کو 69 رنز سے شکست دے کر سہ ملکی سیریز کے فائنل کیلئے کوالیفائی کر لیا تھا۔