اسلام آباد ( پاک ترک نیوز) وفاقی حکومت نے سونے کی درآمد اور برآمد پر عائد پابندی ختم کردی ہے۔
تفصیلات کے مطابق وفاقی کابینہ کی منظوری کے بعد وزارت تجارت نے نوٹیفکیشن جاری کردیا ہے، سونے کی عالمی تجارت سے متعلق معطل شدہ ایس آر او بحال کردیا گیا ہے۔
حکومت نے قیمتی دھاتوں اور زیورات کی درآمد و برآمد سے متعلق کچھ ترامیم بھی کیں ہیں جبکہ قیمتی دھاتوں اور زیورات کی درآمد و برآمد کا فریم ورک برقرار رہے گا۔
نوٹیفکیشن کے مطابق فریم ورک شفافیت اور خود کار نظام میں بہتری کے ساتھ جاری رہے گا، رواں سال مئی میں سونے کی درآمد و برآمد پر پابندی عائد کی گئی تھی۔
یاد رہے کہ سونے کی درآمد اور برآمد کی اجازت دینے سے ملک میں سونے کی قیمتوں میں کمی ہو سکتی ہے۔
حکومت نے سونے کی درآمد اور برآمد پر عائد پابندی ختم کر دی
