دبئی ایئر شو میں بھارتی لڑاکا طیارہ گر کر تباہ

دبئی ( پاک ترک نیوز) دبئی ایئر شو کے آخری روز بھارتی ساختہ ہال تیجس لڑاکا طیارہ گر کر تباہ ہوگیا۔
کریش کے بعد المکتوم انٹرنیشنل ایئرپورٹ کے ایک حصے سے دھوئیں کے بادل اٹھتے دیکھے گئے۔
حادثہ دوپہر کے وقت پیش آیا جب شو جاری تھا۔مطابق طیارے کے پائلٹ نے ایجیکٹ نہیں کیا، تاہم اس کی باضابطہ تصدیق نہیں ہو سکی۔
ایئر شو کے شرکا نے بتایا کہ طیارہ گرنے کے فوراً بعد ریسکیو ٹیمیں جائے وقوعہ کی طرف دوڑیں، جبکہ ایئرپورٹ انتظامیہ نے حادثے کے مقام کو گھیرے میں لے لیا۔
ترکیہ کے دفاعی جریدے کے مطابق یہی طیارہ ایک روز قبل ایندھن کے اخراج (فیول لیک) کا شکار بھی ہوا تھا، تاہم اس بارے میں بھی سرکاری سطح پر کچھ نہیں بتایا گیا۔
حکام کی جانب سے فی الحال کوئی تفصیلی بیان جاری نہیں کیا گیا، اور حادثے کی وجہ جاننے کے لیے تفتیش کا عمل جاری ہے۔