اسلام آباد( پاک ترک نیوز ) ایرانی وزیر خارجہ عباس عراقچی نے کہا ہے کہ امریکا کے ساتھ جنگ ختم کرنے کی کوششوں کے تحت ایران آبنائے ہرمز دو روز کے اندر کھولنے کیلئے تیار ہے، تاہم واشنگٹن کو تہران کی شرائط تسلیم کرنا ہوں گی۔اسلام آباد میں صحافیوں سے گفتگو کرتے ہوئے عباس عراقچی نے کہا کہ اقتصادی تعاون تنظیم کے رکن ممالک نے آبنائے ہرمز دوبارہ کھولنے کیلئے ایران کے پیش کردہ منصوبے کی حمایت کی ہے۔ انہوں نے پاکستان کے ثالثی کردار پر اطمینان کا اظہار بھی کیا۔
یہ بھی پڑھیں: راولپنڈی میں دوسرا ٹیسٹ ، پاکستان کا ٹاس جیت کر فیلڈنگ کا فیصلہ
ای سی او وزارتی کونسل کے 30ویں اجلاس سے خطاب کرتے ہوئے ایرانی وزیر خارجہ کا کہنا تھا کہ علاقائی روابط مضبوط بنانے، تجارت آسان بنانے اور توانائی کے شعبے میں تعاون بڑھانے سے خطے میں اجتماعی استحکام کو فروغ ملے گا۔عباس عراقچی نے کہا کہ بیرونی خطرات اور انحصار میں کمی لانے کیلئے علاقائی تعاون ناگزیر ہے۔ جدید، جامع اور مؤثر تجارتی معاہدہ علاقائی تجارت کو وسعت دینے، اقتصادی استحکام مضبوط بنانے اور خطے کے عوام کیلئے معاشی فوائد پیدا کرنے میں مددگار ثابت ہوسکتا ہے۔












