اسلام آباد (پاک ترک نیوز )اسلام آباد میں اعلیٰ افسر کے گھر میں گھریلو ملازمہ کی ہلاکت کے معاملے پر تھانہ شمس کالونی پولیس نے مقتولہ کے والد کی مدعیت میں مقدمہ درج کرلیا۔مقدمے کے متن کے مطابق فاطمہ اصغر قرآن پاک کی تعلیم حاصل کر رہی تھی اور قریبی رشتہ داروں کے ہمراہ پولیس لائن میں رہائش پذیر تھی۔والد نے مؤقف اختیار کیا کہ انہیں اطلاع دی گئی کہ ان کی بیٹی کی اچانک طبیعت خراب ہوگئی ہے، جس پر اسے علاج کے لیے ہسپتال منتقل کیا گیا، تاہم وہ جانبر نہ ہوسکی۔
یہ بھی پڑھیں: صدر زرداری کی وزیراعظم اور فیلڈ مارشل کو دنیا کے 500 بااثر مسلمانوں کی فہرست میں شامل ہونے پر مبارکباد
مقدمے میں مزید کہا گیا ہے کہ بیٹی کی لاش کا معائنہ کرنے پر اس کے جسم پر تشدد کے نشانات پائے گئے۔مقتولہ کے والد نے پولیس سے واقعے کی مکمل تحقیقات، بیٹی کی ہلاکت کی وجوہات معلوم کرنے اور ذمہ دار ملزمان کے خلاف قانونی کارروائی کرکے انصاف فراہم کرنے کی استدعا کی ہے۔












