اسلام آباد(پاک ترک نیوز) صدر مملکت آصف علی زرداری نے وزیراعظم شہباز شریف اور فیلڈ مارشل عاصم منیر کو دنیا کے 500 بااثر ترین مسلمانوں کی فہرست میں شامل ہونے پر مبارکباد دی ہے۔سماجی رابطے کی ویب سائٹ ایکس پر اپنے پیغام میں صدر زرداری نے کہا کہ رائل اسلامک اسٹریٹجک اسٹڈیز سینٹر اردن کی جانب سے جاری کردہ دنیا کے 500 بااثر ترین مسلمانوں کی فہرست میں وزیراعظم اور فیلڈ مارشل کی شمولیت خوش آئند ہے۔
یہ بھی پڑھیں: ساف فٹ بال چیمپئن شپ کا فائنل کل ہوگا
صدر مملکت کا کہنا تھا کہ یہ ہر پاکستانی کے لیے فخر اور مسرت کا لمحہ ہے اور دونوں شخصیات کی قیادت اور خدمات کا برمحل اعتراف ہے۔آصف علی زرداری نے مزید کہا کہ پاکستان استحکام اور عالمی وقار کی راہ پر گامزن ہے۔
صدر مملکت نے اپنے پیغام کے اختتام پر دعا کی کہ اللہ تعالیٰ پاکستان کو طاقت، اتحاد اور عزت سے نوازے۔












