مظفرآباد(پاک ترک نیوز)آزاد جموں و کشمیر کے ضلع باغ میں دھرنے کے خاتمے کے بعد معمولاتِ زندگی بحال ہوگئے، شہریوں نے امن و امان کی بحالی اور شاہراہیں کھلنے کا خیرمقدم کیا ہے۔
راولاکوٹ، بھمبر، میرپور، باغ اور مظفرآباد کے شہریوں کا کہنا ہے کہ باغ میں دھرنے کا خاتمہ اور نظامِ زندگی معمول پر آنا خوش آئند ہے۔
شہریوں کے مطابق باغ سے منسلک تمام شاہراہیں کھل چکی ہیں، جس سے نہ صرف آمدورفت بحال ہوئی ہے بلکہ سیاحت کے شعبے کے لیے بھی اچھی خبر ہے۔
دھرنے کے خاتمے کے بعد تعلیمی ادارے بھی دوبارہ کھل گئے ہیں اور تعلیمی سرگرمیاں بحال ہوگئی ہیں۔
یہ بھی پڑھیں: پاکستان عالمی سرمایہ کاری کے لیے کھلا ہے، اعظم نذیر تارڑ
عوام کا کہنا ہے کہ احتجاج اور کشیدہ صورتحال کے باعث کاروباری سرگرمیوں کو شدید نقصان پہنچا، اب امن کی بحالی سے کاروبار اور روزمرہ زندگی دوبارہ معمول پر آنے کی امید ہے۔
