لاہور( پاک ترک نیوز) ابوظہبی ٹی ٹین لیگ میں شرکت کے لیے قومی کرکٹرز تاحال پاکستان کرکٹ بورڈ کے این او سی کے منتظر ہیں، این او سی جاری نہ ہونے کے باعث کھلاڑیوں کو پریشانی کا سامنا ہے۔ذرائع کے مطابق ابوظہبی ٹی ٹین لیگ 7 سے 20 نومبر تک کھیلی جائے گی، جس میں فخر زمان، افتخار احمد، نسیم شاہ، فہیم اشرف، سفیان مقیم اور عباس آفریدی سمیت متعدد پاکستانی کھلاڑی مختلف ٹیموں کا حصہ ہیں۔
یہ بھی پڑھیں: طالبان سپریم لیڈر ہیبت اللہ اخوندزادہ عالمی سطح پر صحافت کی آزادی محدود کرنے والی 33 شخصیات میں شامل
دیگر کھلاڑیوں میں حسن نواز، علی رضا، اعظم خان، خواجہ نافع، عاکف جاوید، سلمان ارشاد، خوشدل شاہ اور حیدر علی بھی شامل ہیں۔ذرائع کا کہنا ہے کہ لیگ کی ٹیموں نے قومی کرکٹرز سے رابطے کرکے جلد این او سی حاصل کرنے کا کہا ہے۔ دوسری جانب اگر پی سی بی کی جانب سے بروقت این او سی جاری نہ ہوئے تو فرنچائزز پاکستانی کھلاڑیوں کے متبادل تلاش کریں گی۔
