آر اے شمشاد
ایشیا کپ 2025کا آغاز ہو گیا ہے ۔ افتتاحی میچ میں افغانستان اور ہانگ کانگ مد مقابل آئیں گی ۔
پاکستان کرکٹ ٹیم ایشیا کپ میں اپنے سفر کا آغاز 12ستمبر سے عمان کیخلاف میچ سے کرے گی ۔ روایت حریف بھارت کیخلاف شاہینوں 14ستمبر کو ہائی وولٹیج میچ کیلئے میدان میں اتریں گے ۔ جبکہ پاکستانی ٹیم آخری لیگ میچ میں 17ستمبر کو یواے ای کیخلاف کھیلے گی ۔ایونٹ کا فائنل میچ 28ستمبر کو کھیلا جائے گا ۔ روایتی حریفوں پاکستان اور بھارت کے درمیان ٹورنامنٹ میں تین مرتبہ آمنا سامنا ہونے کا امکان ہے ۔
ایشیاکپ کا یہ 17میلہ ہے ۔ اس سے قبل 16ٹورنامنٹ کھیلے جا چکے ہیں جہاں بھارت کا پلڑا بھاری ہے ۔ انڈیا 8بار ٹرافی اپنے نام کر چکا ہے جبکہ سری لنکا 6مرتبہ فائنل معرکہ سر چکا ہے وہیں پاکستان بھی 2مرتبہ اس ایونٹ کا ٹائٹل جیت چکا ہے ۔
https://www.youtube.com/watch?v=nHMIt0hOSlA
آج ہم بات کرنے جا رہے ہیں ایشیا کپ میں پاکستان کرکٹ ٹیم کی جانب سے پانچ ایسے کھلاڑیوں کو جنہوں نے ملک کیلئے اس ٹورنامنٹ میں زیادہ رنز بنا رکھے ہیں اور 5ایسے بائولرز کی جنہوں نے ملک کی نمائندگی کرتے ہوئے زیادہ وکٹیں اپنے نام کی ہیں ۔
https://www.youtube.com/shorts/S5XwJ8ojoZg
اس فہرست میں سب سے پہلا جو نام ہے وہ سابق کپتان شعیب ملک کا ہے ۔ انہوں نے 17میچز میں 786بنا رکھے ہیں ۔ دوسرے نمبر پر پاکستان کیلئے زیادہ رنز بنانے والوں میں انضمام الحق کا نام آتا ہے ۔ انہوں نے 15میچز کھیلے کر 591رنز بنا رکھے ہیں ۔ انضمام الحق کے بعد تیسرے نمبر پریونس خان کا نام آتا ہے جنہوں نے 14میچز میں 546رنز سکور کئے ہیں ۔چوتھے نمبر پر شاہد خان آفریدی ہیں جنہوں نے 23میچز کھیل کر 532رنز بنائے ہیں ۔پانچویں پوزیشن پر مڈل آرڈر بلے باز عمر اکمل موجود ہیں جنہوں نے 12میچز میں 510رنز بنائے ہیں ۔
اگر بات کی جائے بائولنگ کے شعبے کی اس میں پاکستان کے مایہ ناز جادوگر بائولر سعید اجمل اس فہرست میں پہلے نمبر پر موجود ہیں جنہوں نے 12میچز میں 25وکٹیں اپنے نام کی ہیں ۔
پاکستان کی جانب سے ایشیا کپ میں زیادہ وکٹیں لینے والے دوسرے بائولر گگل ماسٹر عبدالقادر کا نام آتا ہے جنہوں نے صرف 8میچز میں 17وکٹیں اپنے نام کی تھیں ۔ وسیم اکرم 12میچز میں 16وکٹیں لے کر تیسرے جبکہ عبدالرزاق 11میچز میں 16وکٹیں لیکر چوتھے نمبر پر موجود ہیں ۔قومی فاسٹ بائولر شاہین شاہ آفرید 14وکٹیں لے کر پانچویں پوزیشن پر موجود ہیں ۔
